+.. العُـقدةْ الجميـلة Lovely Complex ..+

مسلسل أنمي يتكون من 24 حلقة انعرضوا في سنة 2007.
كوميدي بالدرجة الأولى ، و رومانسي في نفس الوقت
و حاز المسلسل على الترتيب 8 في استفتاء "Anime best of year 2007 roll"

إخــــراج : Uda, K & Atilde;´nosuke
موســـــيقى : Sato, Hironosuke
العمــل الأصـلي : Nakahara, Ayu
تصميم الشخصيات : Maniwa, Hideaki
منتــج منفـــذ : Higuchi, Munahisa
تلويـن الشخصيات : Tsukada, Tsutomu

تصنيفه Shojo ، كتبته Aya Nakahara كقصص مانجا ،
و تم نشرها من سنة 2001 لين سنة 2006 في 17 مجموعة.
و في سنة 2004 ، حازت هالمانجا على المرتبة 49 في مسابقة Shogakukan Manga Award""
حق فئة الـ Shojo .
و سووا منه فلم في سنة 2006 ، و لعبة نزلوها في PlayStation 2 في نفس السنة .
( يعني ما خلوا شي ما استغلوه بسبب نجاح القصة و رواجها بين المشاهدين ، اللي منهم أنا ^^ )






الأنمي يتكلم عن قصة الحب المتشابكة اللي تجمع بين البطلة ريسا Risa Koizumi اللي طولها 172 يتجاوز الحد الطبيعي لطول البنت في اليابان. و أوتاني Atsushi Otani ،
طوله 156 ، و هو بعد للأسف أقصر عن المعدل الطبيعي لطول الشاب في اليابان.
و عشان هالاختلاف في الطول بينهم ، كانوا يسمونهم في المدرسة : "All
Hanshin Kyojin" أو " الثنائي الكوميدي " و بسبب هوشاتهم و يا بعض. و ما
راح تلومونهم على هالتسمية إذا شفتوهم يتهاوشون مع بعض لأنهم صدق خبايل
خخخخ.

ريسا كانوا يعاملونها على أساس إنها واحد من الشباب و الحياة حلوة عندهم.
لكن هالشي كان محبطنها نفسياً ...
و أوتاني بعد ما قصروا فيه من ناحية الصدمات العاطفية ..
و عشان هالسببين أخيراً اتفقوا هالثنينه أنهم يدورولهم boy friend و girlfriend هالصيف !
لكن مع تفتح علاقتهم ببعض ، بدت ريسا تنجذب لأوتاني ..
و بدت تتكون عندها مشاعر الحب الشبه مستحيــل مع هذا الشاب القصير.
و اللي اتضح في النهاية أنه مب بس قصير ، إلا غبي بعد.
لأن ريسا بتعاني وايد من هالحب ، و بتصير وياها مواقف تحطها في أغرب تجربة في حياتها ..
و هالشي مب مستغرب لأن حبهم يتعرض لاعتقاداتهم الخاصة ..
و راح تشوفون مواقف طريفة وايدة في المسلسل و أحداث ما تتوقعونها .
و بتصادفكم كمية ضحك تقريباً في كل حلقة .. يعني جرعات ضحك موزعة على مدار المسلسل.




و أولهم ...


هبلة ... هبلة .. هبلة !
طويييلة و طولها معقدنها ، لكنها حلوة بس مب عارفة هالشي فيها.
عفوية و على نياتها ..
قلبها طيب ، و ما تستسلم بسهولة أبداً .
و تعز صديقاتها اللي يعتبرون العزاء الوحيد لمشاكلها العاطفية.
و تحب المغني المشهور Umebozo بشكل جنوني.

أداء الصوت :
أقل ما نقول عن هالإنسانة .. مبدعة
Okamura, Akemi



راسه و الصخر واحد.
ما عنده واحد ، اثنين .. و لا يفهم بالتلميح.
يعني اغسلوا ايدكم منه.
بس عنده شعبية بين البنات و يتخبلون عليه رغم إنه قصير ..
لأن عنده كاريزما أو جاذبية

يحب كرة السلة و يجتهد وايد عشان يتعلمها لين يحطه المدرب كابتن الفريق.
و يشترك ويا ريسا في عشقه للمغني المشهور Umebozo .

أداء الصوت :
كان صاحب أداء معبر و صوت مميز !
Nagata, Akira



من صديقات ريسا المقربات وأكثرهن تأثير عليها.
تحس فيها ، و تعرف اللي يدور في راسها ، و دايماً تشجعها.
توصل مرات فيها لدرجة أنها تغصبها على الشي و تهزبها ..
و ريسا ما تزعل منها أبداً و تعزها وااااايد و دايماً تتشجع لما تسمع نصايحها
< أمحق نصايح خخخ
متفهمة وعطوفة و في سوالف الحب محد أشطر عنها.

أداء الصوت :
أتقنت الدور بكل انفعالاته
Higashi, Saori



حبيب نابوكو ، و صديقها المفضل.
شخصيته easy .. و هو لاعب كرة سلة في فريق أوتاني.
ما له دور كبير في المسلسل غير دوره كصديق أوتاني و ريسا.

أداء الصوت :
الصوت ينطبق على وصف الشخصية الهادية نوعاً ما.
Tokuyama, Yasuhiko



بنوتة نعومة بمعنى الكلمة.
مسالمة ، صديقة ريسا و نوبوكو.
تخاف من الأولاد لكن في النهاية تتغلب على خوفها بفضل اهتمام صديقاتها لها.

أداء الصوت :
الرقة واصلة حدها في هالدور ههه
Kojima, Kazuko

الموضوع منقول بجداره هاها
من عمل الاخت ! Move on

نـــــــــــــــــايس

روعه التقرير

تسلمي يا غلاهم

على الموزوع الحلوو^^

تسلمي قلبوووووووووو

على تواجدك ومرورك العطر

على صفحتي المتواضعه

سعدك بما خطه قلمك هنا

ما انحرم طلتك العسل

تقرير غايه في الروعه

مشكورررررررررره